Hubble hevur trupulleikar

05.07.2021 - 13:29
AktueltTøkni
Hubble hevur trupulleikar
Síðani 23 juni hevur teldan, umborð á stjørnukikaranum Hubble, boðað frá breki. 
 

Í góð 30 ár hava stjørnufrøðingar, við myndum frá rúmdarstjørnukikaranum Hubble, fingið eina betri fatan av alheiminum. 

Men nú eru teldutrupulleikar umborð á Hubble. 

Síðani 23 juni hevur teldan, sum heldur skil á øllum dáta umborð og syrgir fyri samskiftinum til jørðina, boða frá breki. Og fyri at gera ilt verri, so boðar tiltaksteldan frá sama breki.

Tøknikkarar hjá NASA meta ikki, at tað er nakað galið við sjálvum teldunum, men hvar fleilurin so er, vita tey ikki.  

Hetta er ikki fyrstu ferð, at Hubble hevur havt tøknitrupulleikar. Tá vóru rúmdarmenn sendir upp at umvæla stjørnukikaran, men tað ber ikki til í dag, tí rúmdarferjurnar, sum tá vóru brúktar, standa á onkrum fornminnasavnið.

Tí verða tey hjá NASA noydd at finna eina loysn og umvæla stjørnukikaran frá jørðini. Um tað fer at eydnast, duga tey ikki at siga enn. 

 

Stórt íkast til rúmdarvísindini

Stjørnukikarin Hubble er í ringrás um jørðina og givið eitt stórt íkast til fatanina av alheiminum. 

Millum annað hevur gransking við Hubble uppdagað:

- at alheimurin er 13,8 milliardir ára gamal.

- at alheimurin víðkast og hvussu skjótt hann ger tað.

- at nærum allar stórar galaksur eru rótfestar í einum svørtum holið.

- at kortleggja loyndarfulla myrka evnið úti í rúmdini.

 

Myndir frá Hubble: 

M1 – Krabbaskaddan. Leivdirnar eftir eina ógvusliga supernova. 

 

M16 – Ørnatokan. Eitt stað í rúmdini har nýggjar stjørnur vera til.

 

M42 – Orionmjørkin. 1500 ljósár burturi frá jørðini har stjørnur føðast. 

 

M62 – Óregluligur kúluhópur. 

 

Keldur: NASA.gov, illvid.dk, rmg.co.uk


 

Er kopiera
Nýggjastu sendingar í ÚV
Mánadag 20. september
Við Tórði á túri eftir havhestaungum
128821
Mánadag 20. september
Nón 20. september 2021
128818
Mánadag 20. september
Norðurljóð 20. september 2021
128718
Mánadag 20. september
#sparkakrákunaút
128806
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699