Fleiri túsund endurgjaldskrøv til Ever Given

Fleiri túsund endurgjaldskrøv til Ever Given
Eigararnir av bingjuskipinum, Ever Given, sum stongdi Suezveitina í mars, fyrireika seg til fleiri túsund endurgjaldskrøv, skrivar AFP
Mynd: Savnsmynd  
 
14.07.2021 - 10:00

Herfyri varð semja gjørd um endurgjald til Egyptaland, og tí slapp skipið úr aftur Egyptalandi, eftir at myndugleikarnir løgdu hald á skipið, eftir hendingina í mars.

Og felagið fyrireikar seg til endurgjaldskrøv í túsundatali, sigur sakførarin hjá felagnum, Stewart Buckingham við Bloomberg.

Hann var í rættinum í gjár, fyri at fáa rættin at útseta fleiri sakarmál, tí nógv onnur eru á veg, og so kunnu tey viðgerast undir einum. Fyrstu sakarmálini eru útsett í tveir mánaðir.

Eitt japanskt felag eigur skipið, sum eitt felag á Taiwan hevur leigað.

 

Eigararnir føra seg undan ábyrgd

Eigararnir vilja vera við, at teir ikki hava ábyrgdina av, at skipið strandaði í Suezkanalini, tí ein maður hjá felagnum ið rekur Suezveitina, stýrdi skipinum, eftir at ein loðsur hevði stýrt skipinum at munnanum til veitina.

Myndugleikarnir í Egyptalandi kravdu av fyrstan tíð 7,8 milliardir kr. í endurgjaldi, men kravið varð seinni lækkað til 4,7 milliardir kr.

Hvat semjan snýr seg um, er ikki almannakunngjørt, skrivar Bloomberg.

HER VERÐUR EVER GIVEN LEYSLATIN AV MYNDUGLEIKUNUM Í EGYPTALANDI.

210707_NET_EVER_GIVEN


 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858