Nú er loyvt skipum at umskipa veiðuna í altjóða sjógvi

14.07.2021 - 13:48
AktueltVinna
Nú er loyvt skipum at umskipa veiðuna í altjóða sjógvi
Fiskimálaráðið hevur broytt kunngerðina fyri makrelfiskiskapin, so tað nú verður loyvt skipum at umskipa veiðuna millum skip í altjóða sjógvi
Mynd: Bárður Michaelsen  
 

Tað er §35, stk 6, sum nú verður broytt, so at orðingin "á føroyskum landleiðum" verður strikað. 

Greinin gevur Vørn lógarheimild til at geva skipum, sum søkja um loyvi, undantak frá kravinum um at hava góðkenda innvigingarskipan sambært kunngerð um landingar og avreiðingar av fiski og fiskavørum. 

Kunngerðin hevur higartil verið galdandi fyri skip, sum taka ímóti veiðu frá øðrum skipum á føroysku landleiðunum og flyta veiðuna til innvigingarstað í Føroyum. 

 

Trý skip fingu ætlanarskriv

Broytingin hendir í kjalarvørrinum av, at Vørn hevur sent ætlanarskriv til trý skip hjá reiðarínum Varðanum, tey eru Tummas T, Gøtunes og Tróndur í Gøtu, tí skipini hava umskipa makrelveiðuna í altjóða sjógvi. 

Sambært Vørn hava skipini ikki fingið loyvi til hetta, og kunnu skipini tí nú missa loyvi at taka og lata makrel í føroyskum sjógvi í eina viku.

 

Handlaðu í góðari trúgv

Í útvarpstíðindunum í gjárkvøldið segði Bogi Jacobsen, stjóri í Varðanum, at skipini høvdu handlað í góðari trúgv, tí skiparin á Gøtunesi fyrst í juli hevði søkt um loyvið at umskipa fisk millum skip hjá reiðarínum. 

Sama dag gav Vørn Gøtunesi loyvi til bæði at taka móti og lata makrel til hini skipini, men í svarinum verður víst á, at talan er um loyvi í føroyskum sjógvi. 

Men tá umsóknin var fyri eitt generelt loyvi, tulkaði felagið tað soleiðis - tá einki annað bleiv staðfest í svarinum frá Vørn - at tað var tað, sum var givið. 

 

Ongar viðmerkingar

Stjórin í Vørn ynskir ikki at gera viðmerkingar til málið, meðan tað verður viðgjørt. 

Men við broyttu kunngerðina fær Vørn nú heimild til eisini at veita hetta undantakið í altjóða sjógvi. 
 

Er kopiera
Nýggjastu sendingar í ÚV
Mánadag 20. september
Við Tórði á túri eftir havhestaungum
128821
Mánadag 20. september
Nón 20. september 2021
128818
Mánadag 20. september
Norðurljóð 20. september 2021
128718
Mánadag 20. september
#sparkakrákunaút
128806
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699