Glasrútur úr lastbilin feyk á bil

17.07.2021 - 14:07
Aktuelt112
Glasrútur úr lastbilin feyk á bil
Ein kvinna, sum koyrdi í bili inni á Sundi nakað eftir klokkan 17 í gjár, fekk ein skelk, tá ein lamineraður glasrútur úr einum mótkoyrandi lastbili, rakti bil hennara
Mynd: Savnsmynd  
 


Tað var um fimm tíðina í gjár, at ein kvinna fekk ein skelk, tá hon knappliga merkti okkurt raka bilin hjá sær, tá hon koyrdi framvið Suni.

Tað vísti seg, at ein lamineraður glasrútur var fokin úr einum mótkoyrandi lastbili og hevði rakt bilin hjá henni.

Eingin fólkaskaði stóðst av hendingini, men bilurin fekk nakað av skaða.

Fyri nøkrum døgum síðani var ein líknandi tilburður, har ein steinur, sum vigaði 48,6 kilo, datt úr einum lastbili og rakti bilin, sum koyrdi aftanfyri.

 

Lastin skal tryggjast væl

Løgreglan heitir í hesum sambandi á fólk, sum koyra við last, um at tryggja lastina væl, tí stórur skaði kann standast av, um okkurt dettur úr lastini mitt í ferðsluni.

Tann, sum koyrir við last, hevur ábyrgd at tryggja lastina. Í ringasta føri kann ein ov illa tryggjað last føra til treytaða frádøming av koyrikortinum.

 

Ferðslukanningar

Annars gjørdi løgreglan ferðkanningar millum Fjarða í Eysturoynni í nátt.

Tveir bilførarar vórðu tiknir fyri at koyra ov skjótt. Annar koyrdi 115 km/t og fyri tað fær hann eina treytaða frádøming av koyrikortinum. Hin varð máldur at koyra 107 km/t og fær eitt klipp í koyrikortið.

Er kopiera
Nýggjastu sendingar í ÚV
Mánadag 20. september
Við Tórði á túri eftir havhestaungum
128821
Mánadag 20. september
Nón 20. september 2021
128818
Mánadag 20. september
Norðurljóð 20. september 2021
128718
Mánadag 20. september
#sparkakrákunaút
128806
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699