Enn ein privat rúmdarferð verður skotin avstað

20.07.2021 - 12:00
AktueltTøkni
Enn ein privat rúmdarferð verður skotin avstað
New Shepherd eitur rúmdarfarið hjá Blue Origin, sum Amazon stovnarin Jeff Bezos eigur. Hann er sjálvur umborð, tá fyrsta mannaða rúmdarferðin byrjar í dag
Jeff Bezoz
Mynd: Blue Origin  
 

Í dag klokkan 14 verður enn ein privat rúmdarverkætlan skotin út í rúmdina.

Hesuferð er tað Blue Origin, og heimsins ríkasti maður, amazon stovnarin Jeff Bezos, sum skal upp í lofthavið at merkja vektloysið. 

Tað eru bert 9 dagar síðani at  fyrsta privata verkætlanin fór flúgvandi avstað, tá rúmdarfarið hjá ríkmanninum Richard Branson varð skotið upp móti himmalhválvinum.

210712_NET_VIRGIN_GALACTIC

Jeff Bezos er sjálvur fjórði maður umborð á New Shepherd, og rakettin verður skotin frá jørðini, har tey umborð so koma at merkja vektloysi í tríggjar til fýra minuttir, áðrenn rúmdarfarið dalar niðuraftur móti jørðini undir trimum stórum fallskýggjum.

Øll ferðin varir í umleið 11 minuttir, og tá lendir rúmdarfarið skamt norðanfyri har tað varð skotið upp, vestarliga í Texas.

 

Ikki ein kapprenning

Bæði Bezos og Branson vísa tó aftur, at talan er um eina nýggja kapprenning, um at vera fyrsti stigtakari til privata flúgving í rúmdini.

Bezos sigur, at dagurin í dag er valdur, tí tað eru júst 52 ár síðani fyrstu mánalendingina.

 

Branson fyrstu - Bezos longri upp

Kapping ella ei, so var Branson fyrstur, men rakettin hjá Bezos fer, eftir ætlan, longri upp, enn Virgin Galactic rakettin hjá Richard Branson.

Branson kom 86 km upp í luftina, meðan New Shepard rakettin hjá Bezos fer nakað yvir 100 km.

 

Sjálvstýrd rakett

Ferðin hjá Bezos verður eisini søgulig á tann hátt, at tað verður fyrsta rúmdarrakettin, sum er sjálvstýrd, og kann ikki stýrast av teimum, sum sita í rúmdarrakettini.

Haraftrat eru tað bert sivil fólk, sum eru umborð,

Aftrat Jeff Bezos, so eru beiggi hansara, Mark, við, Wally Funk, sum er ein av kvinnuligu slóbrótarunum innan rúmdarferðing, og harumframt ein ókendan persón, sum vann sítt atgongumerki á uppboðsølu.

Rúmdarferðin hjá Jeff Bezos kann síggjast live á Youtube. 

Er kopiera
Nýggjastu sendingar í ÚV
Mánadag 20. september
Við Tórði á túri eftir havhestaungum
128821
Mánadag 20. september
Nón 20. september 2021
128818
Mánadag 20. september
Norðurljóð 20. september 2021
128718
Mánadag 20. september
#sparkakrákunaút
128806
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699