- Tíðindi, mentan og ítróttur
Fýra vindskaðar í gjár
Fýra vindskaðar í gjár
Allar fráboðanirnar komu úr Norðurøkinum
21.09.2021 - 09:27
Løgreglan fekk fýra fráboðanir um vindskaðar í gjár.
Løgreglan heitti í gjár á fólk um at tryggja tilfar, sum lá leyst uttan fyri húsini, tí veðurvánirnar boðaðu frá nógvum vindi eftir liggjandi góðveður.
Tær fýra fráboðaninar komu allar úr Norðurøkinum.
Ein trailari koppaði í Haraldssundi um fýra tíðina seinnapartin í gjár, men annars var talan um smærri skaðar, sigur vaktleiðarin á løgreglustøðini.
Tað verður meira vindur út á seinnapartin í dag, og tí stendur áheitanin í gjár við, siga tey av løgreglustøðini, og minna á, at nú er so mikið liðið út á heystið, at tað er eitt gott hugskot at taka trampolinir niður og fáa leyst tilfar inn.
Nýggjastu sendingar í ÚV
Nýggjastu sendingar í SV