Laura Joensen var nonnufrensur. Gekk bæði í barnagarði og skúla hjá nonnunum. Stóð seg væl í skúlanum, men fór úr skúlanum 14 ára gomul. Var í húsi eitt ár, arbeiddi á skrivstovu og var skrivari hjá Eivind Bonnevie í fleiri ár. Laura var í 1961 farin á sjónleikaskeið hjá Eyðuni Johannessen og Havnar Sjónleikafelag. Í 1972 fór Laura til Danmarkar og arbeiddi nøkur ár á ríkissjúkrahúsinum. Seinni fór hon á dramaleiðaraskeið í Herning. Afturkomin fór hon upp í sjónleikabólkin Grímu og framførdi mangar leikir.