Niels Nattestad legði í sínum ítróttalívi mesta dentin á hondbólt. Spældi á 1. liði hjá Kyndli frá1964 til 1982 og var føroyameistari næstan hvørt ár. Niels var á landsliðnum frá 1968 og øll 70ini. Eitt skifti var hann formaður í HSF. Seinni hevur hann verið frammarlaga í áhugafelagnum Lions og distriktsguvernørur fyri Føroyar, Grønland og Norðursæland. 60 ára gamal legði Niels frá sær sum skúlastjóri á Venjingarskúlanum í 2007. Sum eftirløntur hevur hann havt parttíðararbeiði fyri sambandsflokkin og ÍSB, men hevur eisini givið sær stundir at ferðast víða um við konuni.