Savnsgull: Ymisk lív

bannari
29.06.2016 - 19:00
Mentan
Savnsgull: Ymisk lív
Í Ymiskum lívi hesa ferð hitta vit tveir menn, sum báðir eru fyrst í fimtiárunum. Teir búgva og arbeiða í Havn, men har steðgar líkheitin eisini
 
 

Tak niður

Annar er viðurkendi rithøvundurin og skribenturin, Carl Jóhan Jensen. Hann er ein maður, sum ikki ræðist at leggja seg út í almenna kjakið, og hann hevur fleiri ferðir fingið sinnið í fólk, millum annað við sínum sera bersøgnu ummælum. Hann eigur tveir tannáringar og býr saman við avstralsku konuni, Kate.

Hin maðurin í sendingini er 52 ára gamli Jóhan Davidsen. Hann hevur seinastu 16 árini arbeitt sum ruskmaður í Havn, og hansara dagur byrjar tíðliga á morgni, áðrenn flestu okkara hava fingið eygu. Hann er ógiftur og eigur eingi børn, so aftaná arbeiðstíð dámar honum væl at spasera runt í býnum og práta við fólk. Tað bókliga hevur ongantíð havt hansara stóra áhuga, so aftan á sjey ára skúlagongd var hann glaður at sleppa til arbeiðis.

Sendingina, sum varð gjørd í 2006, hava Barbara Samuelsen, Hans Petur Hansen og Thomas Koba gjørt.

 
Nýggjastu sendingar í ÚV
Nýggjastu sendingar í SV
Mikudag 29. mars
Savnsgull: Tey trý h'ini
Mikudag 29. mars
25 minuttir: Johannes Jensen
Mánadag 27. mars
3-2