Sierra Leone: Talið á deyðum veksur støðugt

Sambært BBC, eru 400 fólk deyð, og fleiri túsund eru saknað.

Forsetin í landinum, Ernest Bai Koroma, sigur, at heilir býarpartar eru lagdir í oyði, og at Sierra Leone hevur átrokandi tørv á hjálp til tey túsundtals fólkini, sum í gjár vórðu rakt av runuskriðuni og flóðini.

Roynt verður av øllum alvi at bjarga fleiri fólkum úr rununi, sum rann gjøgnum økið Regent. Reyði Krossur hevur trupult við at fáa útgerðina til økið, sum skal til at grava fólk út úr rununi.

Umframt tey deyðu, og tey, sum eru saknað, so standa nógv fólk eisini heimleys.