Rektarin hevur svarað kæru

18.08.2017 - 19:46
AktueltSamfelag
Rektarin hevur svarað kæru
Bogi Bech Jensen, rektari á Glasi, hevur svarað kæruni, sum lærarar í Hoydølum sendi Mentamálaráðnum í juni
 
 

Tak niður

23. juni bleiv Bogi Bech Jensen kærdur til Mentamálaráðið. Meira enn helvtin av lærunum í Hoydølum og øðrum skúlum, skrivadu undir kæruna. Orsøkin var, at fólk vóru ónøgd við leiðslustílin hjá rektarinum.

Lærarar finnast millum annað at, at leiðslustílurin ikki er nóg fólkaræðisligur. Til tað svarar rektarin í kærusvarinum, at:

- Á Glasi er tað rektarin sum hevur yvirskipaðu ábyrgdina av øllum, sum gongur fyri seg á stovninum. Sum rektari er tað tí umráðandi fyri meg, at eg kann standa inni fyri øllum, sum gongur fyri seg á Glasi. Grundleggjandi skal viðmerkjast, at tá starvsfólk og áhugabólkar verða hoyrd, so spyr man tey ikki um, hvat man skal gera, men heldur spyr man tey um, hvat tey halda, at man skal gera.

Harafturat finnast lærararnir harðliga at, hvussu Bogi Bech Jensen samskiftir við starvsfólkini. Sambært teimum er hann ráðaríkur og lurtar ikki eftir kritikki. Tey pástanda, at hann ikki vil skipa fyri fundum, har fleiri fólk luttaka samstundis. Til tað svarar Bogi Bech Jensen, at:

-Tað er møguligt, at onkur av starvsfólkunum ikki hava verið á fundi ein-til-ein fyrr og tí halda, at hetta er løgið. Eg meti tó, tað er umráðandi, at leiðarar kenna síni starvsfólk

Bogi Bech Jensen, vildi ikki gera samrøðu við Kringvarpið í dag, men sigur í stuttari viðmerking, at hann tekur kæruna í størsta álvara. 

Mentamálaráðið veit enn ikki at siga, hvørjar avleiðingar kæran fer at fáa. Viðgerðin av kæruni verður helst drúgv, tí lærararnir, ið hava kært rektaran, fáa høvið at svara hoyringarsvarinum hjá rektarinum.

 
Nýggjastu sendingar í ÚV
Sunnudag 24. juni
Meg Minnist - 2 sending Tordur Niclasen
82658
Sunnudag 24. juni
Meg Minnist - 4 sending Tordur Niclasen
82655
Sunnudag 24. juni
Meg Minnist - 3 sending Tordur Niclasen
82654
Sunnudag 24. juni
Meg minnist
82625
Sunnudag 24. juni
Meg Minnist - 1 sending Tordur Niclasen
82607
Nýggjastu sendingar í SV
Sunnudag 24. juni
Møti úr Vitninum í Hvalba
82600
Sunnudag 24. juni
Andaktin
82597
Leygardag 23. juni
Video: Jóansøka 2018, 10mf
82582
Leygardag 23. juni
Video: Jóansøka 2018, 5mf kvinnur
82581
Leygardag 23. juni
Video: Jóansøka 2018, 8mf
82580