Pedagogfelagið hevur góðar vónir

Lagið var gott og vónirnar góðar, tá Jógvan Philbrow, formaður í Pedagogfelagnum, saman við restini av nevndini, fór til lønarsamráðingar hjá landsstýriskvinnuni í fíggjarmálum, Kristinu Háfoss (T), í dag.

Pedagogfelagið vil ikki siga, hvørji ítøkilig ynski felagið hevur í samráðingunum, men Jógvan Philbrow hevur áður víst til AKF-skala'in ,sum hevur eina endaløn, sum er yvir 37.000 kr. um mánaðin. Í dag er endalønin hjá pedagogunum 29.000 kr. Tað vil siga, at 8000 kr. meira um mánaðin skulu til, um hetta skal gerast veruleiki.

Bæði Fíggjarmálaráðið og Pedagogfelagið hava góðar vónir um lønarsamráðingarnar.