Reiðarar ivast í útrokningum um antitrust

bannari
13.11.2017 - 19:49
AktueltPolitikkur
Reiðarar ivast í útrokningum um antitrust
Fiskimálaráðið fer ov lætt um reglurnar um antitrust, siga stóru reiðaríini.
 
 

Tak niður

Stóru reiðaríini halda, at útrokningarnar hjá Fiskimálaráðnum fara ov lætt um reglurnar um antitrust. Stóru reiðaríini verða ikki rakt av antitrust nú, men tað verða tey, tá størri felagskvotur skulu skipast sum eginkvotur. Tað siga reiðararnir á teimum stóru reiðaríinum Varðanum, JFK, Framherja og Christiani í Grótinum.

Sum er, rakar onki av stóru reiðaríinum markið í antitrust reglunum, sum er sett til 17,5% av samlaðu kvotunum. Størsta fyritøkan, Varðin, eigur sum er 15,5 % av kvotunum, JFK 11%, Framherji 13% og Christian í Grótinum 9,3%. Tann myndin kann tó broytast, um tað gongst sum landsstýrismaðurin í fiskivinnumálum, Høgni Hoydal (T), ætlar. Hann skrivar soleiðis til vinnunevndina:

"Ætlanin er frameftir at skipa størri felagskvotur sum eginkvotur, har útlit eru fyri rímiligum stabiliteti í kvotunum."

Hetta eru stórreiðararnir ikki nøgdir við, tí tá størri felagskvotur verða skipaðar sum eginkvotur, tá fer parturin hjá stóru reiðaríunum eisini at vaksa munandi, og tá verður teirra partur - helst - størri enn 17,5 prosent.

"Tað vísti seg, at antitrust-markini fyri reiðaríini vóru ikki so høg, sum vit høvdu roknað við. Men tá vit so fóru at nærlesa tað, sóu vit, at í framtíðini ætlar hann at gera felagskvotur um til eginkvotur, og tá tað verður gjørt, broytast eginkvoturnar, og tá vil roknstykkið ikki passa serliga væl longur", sigur Anfinn Olsen, formaður í Reiðarafelagnum og stjóri í Framherja, við Dag og Viku.

 
Nýggjastu sendingar í ÚV
Hósdag 18. januar
Morgunlestur hósdagur 18. januar 2018
75361
Mikudag 17. januar
Bolero 14. des 2018
76598
Mikudag 17. januar
Bolero 7. des 2018
76597
Mikudag 17. januar
Morgunlestur mikudagur 17. januar 2018
75360
Nýggjastu sendingar í SV
Mikudag 17. januar
25 minuttir: Vigdis Hjort
74880
Mánadag 15. januar
3-2
76515
Sunnudag 14. januar
Andakt við John Færø
76505
Sunnudag 14. januar
Guðstænasta úr Kvívíkar kirkju
76476
Fríggjadag 12. januar
Lyst 1
76430