Gud signi Føroyar

Gud signi Føroyar (6:6)
19-04-2018

Fyri summi er kristindómurin og tann kristni gudurin ein livandi veruleiki. Fyri onnur finst eingin skilagóð grundgeving fyri, at ein gud finst, og at kristindómurin er sannleikin.

Í hesum sætta og seinasta partinum í røðini Gud signi Føroyar hitta vit felagið Gudloysi og ein sonevndan trúarverjuskúla í Nesvík, sum lærir ung at verja kristnu trúnna, tá onnur finnast at.

Men í hvítusunnusamkomuni Filadelfia í Havn leggja tey dent á, at tann kristna trúgvin byggir á upplivingar heldur enn grundgevingar. Og vit eru á sandinum í Fuglafirði, har fleiri hundrað ung frá alskyns samkomum fylkjast í bøn.

Lagt til rættis: Heini í Skorini.

Gud signi Føroyar

Sending frá 2018.

Hvat eyðkennir føroyskan kristindóm í okkara samtíð?

Í seks pørtum fer sjónvarpsrøðin Gud signi Føroyar at varpa ljós á tær stóru kristnu rørslurnar í Føroyum, nú 500 ár eru liðin síðani reformatiónina.

Kristindómurin hevur mong andlit og finst í alskyns útgávum, og við einum fjølbroyttum úrvali av keldum við ymiskum sjónarmiðum og lívsroyndum viðger sendirøðin eisini tær ósemjur, sum finnast í føroyskum trúarlívi.

Heini í Skorini og Hans Petur Hansen hava lagt sendingina til rættis.

Brøður millum heims og heljar
01-03-2018
Latið børnini koma til mín
22-02-2018
Ein kelda á Skálafjørðinum, føroysk dokumentarrøð
15-02-2018