- Tíðindi, mentan og ítróttur
Videobrot: Dómur sagdur í pedofilmálinum
Videobrot: Dómur sagdur í pedofilmálinum
Hans Fróði á Toftanesi, áður nevndur Hansen, er dømdur 3 ár og 9 mánaðar treytaleysa fongsulsrevsing fyri kynslig brotsverk. Hann kærir dómin
28.05.2018 - 15:17
Hans Fróði á Toftanesi, áður nevndur Hansen, varð í dag dømdur trý ár og níggju mánaðar fongsulsrevsing í rættinum í Lyngby m.a. fyri kynslig brotsverk móti einum smádrongi.
Harvið fekk hann sama dóm sum mamma drongin. Hon fekk fyri kortum eisini trý ár og níggju mánaðar fongsulsrevsing fyri kynslig brotsverk.
Umframt fongsulsrevsingina skal Hans Fróði á Toftanesi gjalda sakarmálskostnaðin, og hann skal rinda misbrúkta dronginum 100.000 krónur í endurgjaldi.
Dómurin er treytaleysur.
Hans Fróði á Toftanesi kærdi alt fyri eitt dómin til Eystara Landsrætt við kravi um frídøming. Hann skal framhaldandi sita í varðhaldi, til kærumálið kemur fyri.
Nýggjastu sendingar í ÚV
Nýggjastu sendingar í SV