Ov fá parkeringspláss við Karlamagnusarbreyt

08.10.2018 - 19:43
AktueltSamfelag
Ov fá parkeringspláss við Karlamagnusarbreyt
Tórshavnar kommuna hevur givið byggiloyvi til tveir stórar íbúðarbygningar uttan at tryggja, at nóg nógv parkeringspláss eru til íbúðirnar
 
 

Tak niður

Kommunan hevur sostatt ikki hildið sínar egnu ásetingarnar í almennu byggisamtyktina um, at eitt parkeringspláss skal verða til hvønn 75 fermetur av íbúð, sum verður bygd. 

Tað staðfestir Kærunevndin í niðurstøðu í kæru frá fólki í økinum. 

Vit hava í dag roynt at fingið viðmerking frá forkvinnuni í byggi- og býarskipanarnevndini hjá Tórshavnar kommunu, Marin Katrinu Frýdal, men tað hevur ikki eydnast okkum. 

Niðurstøðan hjá Kærunevndini í lendismálum kann lesast her.

Ferðslutrygdin ikki í lagi

Í Dag og Viku fríggjadagin vísti leiðslan, stýrið fyri Skúlan við Løgmannabreyt, foreldur og grannar á, at tey halda, at ferðslutrygdin á Karlamagnusarbreyt í Hoyvik, sum eisni er skúlavegur, er versnað munandi, hóast kommunan fyri einum lítlum ári síðani lovaði at bøta um trygdina.

Ein kanning, sum tekniska nevnd í býráðnum hevur bílagt, vísir eisini, at ferðslutrygdin er ikki í lagi.

Jákup Dam, formaður í teknisku nevnd, viðurkendi ferðslutrupulleikan á Karlamagnusarbreyt, og segði at kommunan átti at hava gjørt meira fyri at bøta um ferðslutrygdina, millum annað at broya byggisamtyktina, so bygt varð longri inni á grundstykkjunum. 

Ferðslukanningina hjá kommununi frá september 2017 kan lesast her.

Foto: Jakob Jørgensen

 
Nýggjastu sendingar í ÚV
Fríggjadag 14. desember
Síðsta Skríggj 14.desember 2018
88960
Fríggjadag 14. desember
Góðan morgun Føroyar 141218
88950
Fríggjadag 14. desember
Góðan morgun Føroyar 131218
88930
Fríggjadag 14. desember
Morgunlestur fríggjadagur 14. desember 2018
88454
Nýggjastu sendingar í SV
Hósdag 13. desember
Ein dagur í sjúkrarøktini
88903
Hósdag 13. desember
Kari-Anne í Røst (6:6)
87893
Mikudag 12. desember
Úr savninum: Gullnám í 60 ár 5:5
88842
Sunnudag 9. desember
Andaktin
88722
Sunnudag 9. desember
Møti úr Betesda í Klaksvík
88713