Gleði meg at møta Føroyum

Hann skal nú kappast móti sínum landsmonnum í dysti í EM-undankappingini í manshondbólti. 

Jóhan var partur av danska hondbóltslandsliðnum, sum í januar vann heimsmeistaraheitið, og í morgin spælir Danmark móti Føroyum.

- Tá ið eg fekk tilboðið um at spæla fyri Danmark, høvdu ungir føroyskir hondbóltsspælarar ikki so spennandi avbjóðingar sum nú. Tá var einki A-landslið í Føroyum. Kortini iðri eg meg ikki um avgerðina um heldur at spæla fyri Danmark enn Føroyar, staðfestir Jóhan á Plógv Hansen.

Kringvarpið hitti føroyska hondbóltsspælaran eftir seinastu venjingina hjá danska landsliðnum í Ålborg í dag.