Dávur í ógvisligum samanstoyti

bannari
11.07.2019 - 23:11
Ítróttur
Dávur í ógvisligum samanstoyti
Dávur Magnussen lá væl fyri í spurtinum í landavegakoyringini, tá hann brast út í jarngirðingina og small í vegin

Tak niður

Tað var endin, sum eingin ynskti sær.

Alt sá annars gott út, tá teir báðir Torkil Veyhe og Dávur Magnussen nærkaðust málinum í landavegakoyringini í kvøld.

Torkil Veyhe arbeiddi hart fyri at súkkla Dávur Magnussen í góða støðu til endaspurtin, og Dávur lá væl fyri í bólkinum, tá súkklararnir komu um síðsta svingið. Hann lá ytst við girðingina mitt á vegnum og royndi at sleppa útum ein súkklara av Guernsey, tá hann bar við metallið og datt framav. 

Ruðuleiki valdaði eina løtu, og fólk óttaðust avleiðingarnar av samanstoytinum, men tey andaðu lættan, tá føroyski súkklarin sjálvur gekk yvir til sjúkrabilin. Bæði Dávur Magnussen og maðurin av Guernsey, ið eisini fór umkoll, sluppu við smáum snuddum.

Eg havi ongantíð brotið nakað, segði Dávur í flogfarinum á veg til Gibraltar, og hann hevði aftur eydnuna við sær, tá hann reyk í asfaltið í kvøld.

Eg helt mína linju, men so kemur ein maður av Guernsey og skumpar meg. Hatta kom sum eitt sjokk, segði Dávur Magnussen eftir samanstoytin.

Men dómararnir vóru ikki samdir við metingini hjá føroyska súkklaranum. Teir hava kolldømt Dáva Magnussen fyri tað, sum hendi.

Føroyski súkklarin varð koyrdur á sjúkrahús, har hann var kannaður fyri heilasjálvta, men úr føroysku súkkluleguni frættist, at hann ongan álvarsaman skaða hevur fingið.

Sambært ensku rásini ITV, vóru fleiri av súkklarunum samdir um, at strekkið, har spurtast skuldi til mállinjuna, var ov trongt.

Sí samanstoytin og samrøður við bæði Dáva Magnussen og Torkil Veyhe.

 
 
Nýggjastu sendingar í ÚV
Mánadag 14. oktober
Norðurljóð 14. oktober 2019
99386
Mánadag 14. oktober
Átta ár við Lars - hvat nú?
99860
Mánadag 14. oktober
Við Tórði á túr á heystardegi
99851
Mánadag 14. oktober
Góðan morgun Føroyar 141019
99848
Mánadag 14. oktober
Minnismyndir: Hans Holm (1:3)
99841
Nýggjastu sendingar í SV
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745
Mikudag 9. oktober
Fótbóltur: Føroyar - Norra (kvinnur)
99695