Tekniski skúli í Klaksvík lekur í eyri og seyri

Tað lekur illa á Tekniska skúla í Klaksvík.

Elsti parturin av skúlanum er frá miðskeiðis í 80-unum, tann nýggi parturin er frá 2008 og 2016, men tað hevur ongan týdning í hesum førinum, tí tað lekur bæði í elsta og nýggja partinum.

Rúni Heinesen, stjóri á Tekniska skúla í Klaksvík, sigur, at verður einki gjørt fyri at tetta lekarnar sum skjótast, kann umvælingin gerast dýr.