- Tíðindi, mentan og ítróttur
Korona aftur í Føroyum
Hetta er fyrstu tilburðirnir av koronasmittu, har persónar eru smittaðir innanlands í Føroyum, síðan 18. apríl.
Síðan 18. apríl eru fleiri tilburðir staðfestir, men allir tilburðirnir eru komnir aðrastaðni frá enn í Føroyum. Millum annað eru fleiri tilburðir staðfestir í seinastuni umborð á útlendskum skipum, sum hava ligið við bryggju í Føroyum.
Við báðum tilburðunum, sum nú eru staðfestir, er talið av smittaðum komið uppá 35. 33 av teimum eru teir útlendsku sjómennirnir.
Myndugleikarnir hava í dag smittuuppsporað og ringt til fólk og heitt á tey um at fara í sóttarhald.
Klokkan 18.00 í kvøld var talið av teimum, sum eru í sóttarhaldi, farið upp um 60. Av teimum hava 8 samband við útlendsku sjómennirnar.
Sjónvarpið prátaði við bæði Michael Boolsen, fúta, og Bárð á Steig Nielsen, løgmann, í tíðindasendingini.