Ófriður í Bústøðum

Ófriður í Bústøðum
Tað er ófriður í Bústøðum undan fyrsta stýrisfundi hjá nýggja stýrinum
04.05.2021 - 19:25

Stýrislimur, Tom Silvurdal, skuldsetir stjóran fyri at hava luttikið í einum politiskum spæli, og at Bústaðir ikki verður fyrisitið sambært lógum og kunngerðum.

Hetta hoyrir onganstaðni heima, sigur stjórin, sum sigur stýrislimin vera óynsktan á skrivstovuni hjá Bústøðum.

Tom Silvurdal vil ikki stilla upp til samrøðu við sjónvarpið, men hann sigur seg sum stýrislim "vilja kanna nøkur viðurskifti og fáa skil uppá Bústaðir", sum hann málber seg.

Andrass Róin, sum er stjóri í Bústøðum, vil ikki gera samrøðu í dag.

Bjarni Johansen, borgarstjóri í Vági, sigur viðurskiftini millum Bústaðir og kommununa vera í lagi. Hann hevur ikki aðrar viðmerkingar enn, at hann fer á fund við Bústaðir í næstum at umrøða støðuna.

Nýggja stýrið fer at hava fyrsta stýrisfundin tann 12. mai. Nýggi stýrisformaðurin, Regin Hammer, vil ikki gera gera viðmerkingar til málið, men hann sigur, at hann hevur álit bæði á stjóranum og hinum limunum í stýrinum.

Landsstýriskvinnan, Elsebeth Mercedis Gunnleygsdóttur, sum valdi nýggja stýrið, vil heldur ikki gera viðmerkingar til støðuna.

 


 

 
Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585