Korona steðgaði grindadrápi

bannari
Korona steðgaði grindadrápi
Stívliga 3.700 fólk kannaðu seg fyri koronu í gjár, og ótrygga støðan fekk Farsóttarnevndina at avblása grindaboð. Burturvið, sigur Vestergaard
25.05.2021 - 20:12

Um vikuskiftið fór koronusmittan aftur at gera um seg í føroyska samfelagnum. Tað legði trýst á kanningarstøðini. Stívliga 3.700 fólk lótu seg kanna í gjár, men av teimum eru bara tvey, sum hava fingið staðfest koronu. Í løtuni eru 25 fólk smittað við koronu.

Tað er enn ov tíðliga at siga, um tamarhald er á smittustøðuni í Føroyum. Tað sigur Lars Fodgaard Møller, landslækni. Hann metur ikki, at samanhangur er millum linkaðu tilmælini og seinastu nógvu smittutilburðirnar.

Í dag, dagin eftir at samfelagið fekk ein hvøkk við 16 nýggjum koronutilburðum, varð ein stór grind sædd millum Vágar og Koltur. Bólkurin varð mettur til 300 - 500 hvalir. Grindin varð tó ikki hildin til, tí Farsóttarnevndin mælti staðiliga frá.

Sámal Jákup Jørgensen, grindaformaður í Vágum, harmast um avgerðina. Grindin hevði allarhelst givið nóg mikið av tvøsti og spiki til Vágar og partar av Norðurstreymoy, sigur hann.

Eisini landsstýrismaðurin í fiskivinnumálum, sum er fyrrverandi sýslumaður, heldur tað vera burturvið at lata grindina sleppa.

Tað finst einki alment koronutilmæli um ikki at drepa grind, og tað hevði borið væl til at skipað soleiðis fyri, at grindin fekst til høldar uttan vanda fyri koronusmittu, sigur Jacob Vestergaard.

Formaðurin í Farsóttarnevndini verjir avgerðina:

Avgerðin byggir á eina ítøkiliga meting av støðuni við koronu, soleiðis sum hon var í dag, sigur Michael Boolsen.

 
Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585