Tey gomlu umboða trygdina

Tað verða fleiri eldri bilførar tey komandi árini. Onkur kanska sær fyri sær eina ræðumynd av ørkymlaðum bilførarum, ið seinka ferðsluni og eru orsøk til fleiri ferðsluvanlukkur. Í veruleikanum eiga vit at fegnast um tey eldru í ferðsluni.<br />
Sum heild eru tey eldru nevniliga meiri lóglýðin. Til dømis koyra tey sjáldan rúsdrekkaávirkað og sjáldan ov skjótt. Hetta vísir nýggj kanning, sum danska havaríkommissiónin læt av hondum í farna mánaði.