- Tíðindi, mentan og ítróttur
Filmsfólkini vilja hava hægri játtan
Fíggjarligur karmarnir mangla í fyri at framleiða filmar á altjóða støði.
Tað halda Føroysk Filmslistafólk, sum hava sent Fíggjarnevndini bræv.
Í brævinum skriva tey millum annað, at tey fegnast um, at tað á komandi fíggjarlóg eru settar sjeyhundraðtúsund krónur av, men tey skriva eisini, at "Tó mugu vit sum felag sláa fast, at føroyska filmsumhvørvið stendur við eitt vegamót. Um vit skulu flyta okkum frá primert at framleiða stuttfilmar við óløntari arbeiðsmegi, til at hava eina føroyska filmsvinnu, við inntøkum og altjóða spælifilmssølu, so restar enn ein størri fíggjarkarmur í, fyri at gera hetta møguligt."
Til seinast í brævinum til fíggjarnevndina skriva Føroysk Filmsfólk:
"Vit hava fólkini, kunnleikan og útgerðina til at seta hol á eina føroyska filmsvinnu. Tað sum restar í eru fíggjarligu karmarnir til at
framleiða filmar á altjóða støgi."
Ingun í Skrivarastovu er forkvinna í felagum Føroysk Filmslistafólk.
Tak niður