Uppihaldstrappa á økinum, har gamla Perlan lá

Trappan verður vónandi eitt tilhaldsstað hjá fólki millum annað í sambandi við tiltøk í Vágsbotni og í miðbýnum. Eisini verður ein pallur omanfyri trappuna til framførslur.
Mett verður, at trappan fer at kosta millum 1.9 og 2,3 milliónir krónur. Kommunan fer nú í holt við projekteringina og síðani verður arbeiðið at gera trappuna boðið út í innbodna lisitatión.
Tá arbeiðið í Vágsbotni er liðugt, verður farið niðan í Steinatún, har arbeiðið við miðbýarætlanini heldur fram, sigur Tróndur Sigurðsson, formaður fyri byggi- og býarskipanarnevndina í Tórshavnar kommunu.