Útlendingar hugaðir at fíggja undirsjóvartunlarnar

Í summar eru kanningarnar lidnar, og tá ber til av álvara at fara at leita eftir pengum til Eysturoyartunnilin og Sandoyartunnilin. Men partafelagið Sandoyar- og Eysturoyartunlar hevur longu fingið fyrispurningar frá lánveitarum uttanlands.

Og í Føroyum er samband við Íleggingargrunnin um fígging.

Partafelagið keypti kanningarnar, sum gamla felagið, Skálafjarðartunnilin, gjørdi. Men neyðugt er kortini at gera fleiri kanningar, sigur Teitur Samuelsen, stjóri í P/f Sandoyar- og Eysturoyartunlar.

Felagið hevur fingið skrivstovu á Bryggjubakka í Havn.

Fyrsti aðalfundurin hjá almenna tunnilsfelagnum verður í apríl.

Hoyr samrøðu við Teit Samuelsen í útvarpstíðindunum.