Starvið verður ikki boðið út av nýggjum

Gjaldstovan fer ikki at bjóða tænastuna sum verkætlanarleiðari út av nýggjum, hóast áheitanir frá bæði fakfeløgum og politikarum í andstøðuni, sum siga, at almenni setnarapolitikkurn er brotin.

Smápartafelagið Mutabor vann útboðið og fær 650.000 krónur fyri at gera strategi um talgilding av tænastum hjá tí almenna.

- Talan er ikki um eitt starv, men um veiting av eini tænastu. Tí er einki óreguligt farið fram, sigur Leif Abrahamsen, stjóri á Gjaldstovuni.