Reyði vongurin fremst

bannari
18.06.2015 - 10:39
Reyði vongurin fremst
Veljarakanning, sum var kunngjørd í morgun, vísur at reyði vongurin akkurát vinnur danska valið. Men sera lítið skilir reyða og bláa vongin.

Sambært nýggjastu kanningini, sum varð kunngjørd í morgun, fær reyði vongurin 51,1 prosent av atkvøðunum og 90 sessir, meðan hin blái vongurin fær 48,9 prosent og 85 sessir í fólkatinginum. 

Sostatt er gondin vent í mun til veljarakanningina, sum var gjørd í gjárkvøldið, har blái vongurin fekk 51,3 prosent av atkvøðunum og 89 sessir í fólkatinginum, meðan hin reyði fekk 48,7 prosent, og 86 sessir.

Við 90 sessum, hevur Helle Thorning Scmidt meirilutan av atkvøðunum, og kann skipa stjórn eftir valið. 

Óvist úrslit

Úrslitið er tó enn óvist, og tað er lítið, sum skilir reyða og bláa vongin í Danmark. Tì kunnu føroysku og grønlendsku umboðini á fólkatingið framvegis verða avgerandi fyri, um tað verður Helle Thorning Scmidt ella Lars Løkke Rasmussen, sum verður danskur forsætisráðharri. Føroyar og Grønland fáa hvør síni tvey umboð í Fólkatingi. Ofta lagar úrslitið í Føroyum og Grønlandi seg soleiðis, at tilsamans tríggir flokkar stuðla reyðari stjórn, og ein tí bláu.

Vit tosaðu við Kaj Joensen um veljarakannignina, í tíðindunum klokkan átta í morgun.

Les meira

Tú kannst lesa meira um veljarakanningina her

 
Er kopiera

Tak niður

Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585