Kvæðamentanin í miðdepil fyri ólavsøku

25-06-2015

Ráðstevnan skal stimbra áhugan fyri kvæðunum og dansinum og eggja til nýhugsan í arbeiðinum við kvæðamentanini

Vit skulu ikki vera so bangin fyri at vera nýskapandi og hugsa nýtt um okkara gomlu siðir, sum kvæðini og føroyski dansurin er.

Hetta verður millum annað sett á dagskrá við einum kvæðaráðstevnu í døgunum 20-23 juli. Fyrilestrar, framsýningar og ymiskt annað verður á skránni.

Tiltakið er fyri føroyingar og ferðafólkini, ið vitja um summari. Hetta er ætlað bæði garvaðum fólki og teimum, sum hava hug at læra meira.

Soleiðis siga Malan Marnersdóttir og Niels Orth millum annað.

Hoyr tey bæði greiða frá hví vit ikki bara skulu siga at hetta hoyrir gomlu tíðini til.

Tilmelding til ráðstevnuna fer fram á http://www.ballads2015.fo

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)