- Tíðindi, mentan og ítróttur
Línuskipini hava ikki fyrireika seg til 2018
- Ongin av okkum væntar nakra broyting í 2018, sigur Kristian Martin Petersen. Sjálvt um tað hevur verið sagt í fleiri ár, at ein nýggj fiskivinnunýskipan skal verða samtýkt í seinasta lagi í 2018, hevur vinnan ikki fyrireika seg til, at nøkur kollveltandi broyting verður samtykt.
- Vit rokna heilt einfalt við, at núverandi skipan fer at halda fram, í hvussu so er í nøkur ár afturat eftir 2018, sigur Kristian Martin.
Greinin heldur fram undir myndini
Kristian Martin Petersen, skrivari í felaginum línuskip
Botnfisk fyri pelagiskan fisk
Línuskipini hava í seinastuni havt frægari fiskiskap undir Føroyum, men tað, sum hevur bjargað teimum árið, er íslandskvotan og royndarveiða við línu í Grønlandi.
- Við eitt sindur av politiskum vilja ber til at fáa størri botnfiskakvotur í Íslandi, Grønlandi og kanska í Barentshavinum, um mann vil býta botnfisk um við pelagiskan fisk, sigur Kristian Martin.
- Tað skal ikki nógv til, eini 2-3000 tons av botnfiski, býtast um við pelagiskan fisk, og tað hevði hjálp línuflotanum munandi. sigur Kristian Martin.
Taka óbrúkt loyvir inn aftur
Einir 14 línubátar eru í vinnu í løtuni, men fleiri liggja við kai, tí tað hevur ikki loyst seg ikki at fiska við línu undir Føroyum. Men enn hava hesir fiskiloyvið, tí heldur Kristian Martin, at óbrúkt loyvir skulu takast inn aftur. Tí um fiskurin tekur seg upp aftur, so fara fleiri skip at loysa aftur, og tá er vandi fyri, at alt verður uppfiskað.
- Óbrúkt fiskiloyvir skulu takast innaftur, so vit, sum eru í vinnuni, hava ein kjans at yvirliva og endurnýggja okkum, sigur Kristian Martin.
Línuflotin hevur týdning
Tá ið tað ikki loysir seg at fiska við línu undir Føroyum, skal mann so ikki bara gevast?
- Um mann ætlar at fáa fulla úrtøku av fiskatilfeinginum undir Føroyum, so mugu vit fiska við línu. Tí tú tekur ikki alt við troli, við gørnum ella við línu, tú mást gangnýta allar tríggjar veiðuhættirnar. So línuflotin hevur stóran tydning fyri føroysku fiskivinnuna, sigur Kristian Martin Petersen, skrivari í felagnum Línuskipum.
Lurta eftir samrøðuni við Petur Martin her.
Tak niður