Stigtakarar til ítróttarháskúla ikki mist mótið

Longri skotbrá og ein væl bíligari kostnaður fyri næmingarnar sannførir Dennis Holm um, at skúlin verður veruleiki.

Av tí at skúlin ikki byrjar sum ætlað, so koma eingir pengar úr Mentamálaráðnum enn. Men stigtakararnir hava eisini vónir um, at politiskur vilji er at játta tær 800.000 krónurnar næsta ár ístaðin.

Ítróttarháskúlin í Vági verður skipaður sum sjálvsognarstovnur, og fyrsta árið hjá skúlanum verður royndarár.

Fyrsta skeiðið byrjar mánadagin 22. februar næsta ár. Til ber at søkja á heimasíðu skúlans, his.fo