Flýggjað síðani 1991

05-10-2015

Leif Anderssen kom við mammuni og systkjum sínum úr Kanada til Føroya at halda frí fyri 24 árum síðani, men er her enn og hevur gjørt sang um tað.

Í 1991 pakkaði mamma Leif Anderssen viðførið, keypti ferðaseðlar og fortaldi børnum sínum, at tey fóru at ferðast í Føroyum.
Hon fortaldi tó ikki, at hon bara hevði keypt einvegis ferðaseðlar og tey ikki fóru aftur til Kanada.
Børnini fingu ikki møguleikan at siga farvæl við vinfólk og grannar.
- Tá summarferian var av, fingu vit at vita, at vit skuldu í skúla her og ikki fóru heimaftur, greiðir Leif millum annað frá.
Upplivingin stendur sterkt í minninum hjá Leif, sum hevur gjørt ein sang um hetta.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)