- Tíðindi, mentan og ítróttur
Góðan morgun Føroyar
Mána- týs- miku- hós- og fríggjamorgun, svimur 93 ára argjamaðurin, Sverri Mortensen og hann ivast onga løtu, at tað er svimjingin, sum heldur hann ungan.
Sverri hevur svomið í svimjihøllini í Gundadali, so at siga hvønn morgun, síðan høllin lat upp 18 desember 1982.
Dánjal Norðberg, skraddarin, sum var á sama liði sum Sverri, er 90 ár, og hevur svomið í Havn seinastu 15 árini.
Triði maðurin á liðnum var unglingin Arnold Eyvindsson, sum er borin í heim 1947.
Hátíðarhald var hildið fyri teimum í svimjihøllini í morgun.
Norðurlendsk opin svimjikapping
Svimjisamband Føroya skipaði um vikuskiftið fyri Nordic Open Masters Championships 2015, í Svimjihøllini í Gundadali. Tilsamans 318 svimjarar úr 8 londum kappaðust í 14 aldursbólkum, har yngsti svimjari er 25 ár, og elsti 93.
Talan er um Norðurlendsku Meistarastevnuna fyri Masters, sum samstundis er skipað sum opin kapping, ið merkir at eisini onnur enn norðurlendingar kunnu luttaka.