- Tíðindi, mentan og ítróttur
Góðan morgun Føroyar
Arktitekturin Ósbjørn Jacobsen hevur í tvey ár havt eina teknistovu í Syðrugøtu, sum hevur eitt tætt samstarv við stóru altjóða fyritøkuna Henning Larsen Arkitekter. Henning Larsen hevur deildir í Hong Kong, Saudia Arabia, München og Oslo - og nú eisini eitt tætt samstarv við føroysku fyritøkuna.
- Hetta er tað mest skandinaviska, sum Henning Larsen selur seg upp á kring knøttin. Vit eru í Norðuratlantshavinum, vit eru enn tá úti á bygd og ikki í høvuðsstaðnum. Tað vekir áhuga, tá vit siga ta søguna. Fólk spyrja okkum, hví Føroyar? Tað er nakað eksotiskt yvir tí. Tað mest upplagda vildi verið at farið til New York, men tað gera øll. Tað er eingin, sum fer út á bygd í Føroyum og selur tað sum tað mest skandinaviska, sum er høgt í metum kring knøttin, greiddi Ósbjørn Jacobsen frá, tá morgunsendingin var á gátt hjá honum í morgun.