Í Skúlanum á Fløtum fáa allir næmingarnir ein teldil, tá tey byrja. Teldilin verður brúktur í undirvísingini, at gera skúlating við og at samskifta við. Men við teldlinum koma eisini avbjóðingar.

Jógvan Dahl, varaskúlastjóri, greiddi frá, at tey á Skúlanum á Fløtum brúka dagin í dag, altjóða netdagin, at varpa ljós á alnetið og avbjóðingarnar, sum fylgja við tí.

Anna Dalsgaard, SSP-lærari, sum hevur samskipað dagin, heldur, at bæði skúli og foreldur hava ábyrgdina av børnunum á netinum.

Tey bæði greiddu frá hesum serliga degnum, og hvussu tey arbeiða. Og so sungu næmingarnir í teimum trimum 4. flokkunum eisini sangin, Gentur og dreingir.