- Tíðindi, mentan og ítróttur
Góðan morgun Føroyar
United World College Red Cross Nordic bjóðar einum føroyskum skúlanæmingi, sum á sumri 2016 er liðugur í 1. flokki í eini gymnasialari miðnámsútbúgving, at taka eitt altjóða studentsprógv, kallað IB (International Baccalaureate) á einum altjóða studentaskúla í Dale í Noregi.
Dale liggur umleið 100 km norðan fyri Bergen.
Endamálið hjá skúlanum er at fremja altjóða sátt og semju í verki, og verður hetta m.a. gjørt við, at næmingar úr umleið 80 ymiskum londum búgva og lesa saman á skúlanum.
Nærri upplýsingar um skúlan fáast við at venda sær til formannin í Føroysku UWC-nevndini á telefon 555037 ella til lestrarvegleiðingina í skúlanum, har tú gongur. Lestrarvegleiðingin hevur fingið sendandi tilfar um United World College. Tú kanst eisini finna fleiri upplýsingar um skúlan á hesi heimasíðuni: http://uwcrcn.no/