- Tíðindi, mentan og ítróttur
Góðan morgun Føroyar
Tríggir leikarar, ein iPod, eitt privat heim onkrastaðni í Føroyum, og so áskoðarar. Tað er tað, sum skal til fyri at skapa ta mest naturalistisku útgávuna nakrantíð av kenda hjúnabandsleikinum eftir Henrik Ibsen.
Henrik Ibsen skrivaði Eitt dukkuheim í 1879, og hesin leikur er ein tann mest spældi í øllum heiminum. Kanska tí, at Ibsen skilti verulig menniskju. Hann kendi verumátan, sinnalagið og tankarnar hjá veruligum fólkum.
Ibsen vildi, at sjónleikur skuldi vera júst sum veruliga lívið, at áskoðarnir sluppu at uppliva verulig menniskju við veruligum trupulleikum í veruligum heimum.
Leikurin verður spældur heima hjá einum pari – eitt nýtt heim fyri hvørja sýning. Parið bjóðar innar, og áskoðarnir seta seg í sofuna, í vindeygakarmin, á gólvið ella har, tað nú er pláss.
Hetta merkir, at eitt føroyskt par – úr Havn, av Sandi, av Tvøroyri, úr Klaksvík, Fuglafirði, Miðvági, hvar sum helst – sleppur at uppliva sýningina heima hjá sær sjálvum.
Tvær sýningar verða: onnur fríggjadagin 27. mai kl. 19.00 og hin leygardagin 28. mai kl. 19.00
Gunnvá Zachariasen, samskipari, greiðir her frá tí, leitað verður eftir.