Munur á Afganistan og at fáa ein frammaná

14-03-2016

Nýggjur leikur varpar ljós á støðuna hjá føroyskum veteranum, sum hava verið í kríggi, men so koma aftur til Føroya, har alt er so trygt og gott

Tað er stórur munur á at standa á hermótinum, har fólk verða skotin og bilar sprongdir, og so at koma heim til Føroya, har tað eru tíðindi, tá onkur hevur fingið ein undir vangan í náttarlívinum.

Í Føroyum er ikki kríggj, og Føroyar eru heldur ikki í kríggi við nakran. Tó eru fleiri føroyingar, sum eru og hava verið í kríggj, og koma aftur til føroysku bløðruna, her alt er so trygt og gott, og fleiri halda, at kríggj als ikki viðkemur okkum.

Hetta er eitt av høvuðsevnunum, sum nýggi leikurin, Jørðin er eitrað, á Tjóðpallinum tekur upp.

Marita Dalsgaard er leikstjóri, Beinta Clothier og Hjálmar Dam leikarar, Joachim Holbek hevur gjørt ljóðmyndina, og Turpin Djurhuus hevur gjørt ljós, pallmynd og videodesign. Góðan morgun Føroyar tosaði við tey øll í morgun.

Leikurin, Jørðin er eitrað, verður frumsýndur týskvøldið klokkan 19:30.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)