Mikudagin í síðstu viku fekk hópdrápsmaðurin og terroristurin, Anders Behring Breivik, viðhald í málinum móti norska statinum, sum Breivik helt hevði brotið hansara mannarættindi.

Dómarin gav Breivik viðhald í, at hann hevði fingið ómenniskjaliga og niðrandi viðferð í fongslinum, og tað er nakað, sum stríðir við europeisku mannarættindasáttmálan.

Dómurin merkir, at norski staturin skal betala sakarmálskostnaðin, sum er 331.000 norskar krónur - tað svarar til umleið 266.000 krónum í okkara pengum.

Hetta er maðurin, sum tann 22. juli í 2011 drap 77 fólk á Utøya, og bleiv dómdur at sita 21 ár í varhaldi. Hann hevur kostað ikki bara nógv mannalív men eisini øgiliga stórar fíggjarligar upphæddir.

Hvussu kann ein slíkur maður seta krøv og stevna norska statin?

Hesum spurninginum svaraði Jógvan Páll Lassen, sakførari, í morgunsendingini.