Rakul gevur Adele seks stjørnur

04-05-2016

- Adele var væl uppløgd, prátaði nógv og sang øll hittini. Konsertin var fantastisk, sigur Rakul Eyvindsdóttir, sum var á konsert í gjárkvøldið

Í gjárkvøldið hevði heimskenda songkvinna, Adele, konsert í Forum í Keypmannahavn.

Fleiri føroyingar vóru á konsertini, og ein teirra var Rakul Eyvindsdóttir.

Donsku ummælararnir lata væl at konsertini, og somuleiðis ger Rakul Eyvindsdóttir, sum heldur, at konsertin var framúr góð.

Í morgunsendignini fortaldi Rakul Eyvinddóttir um konsertupplivingina, og gav eisini Adele eitt serstakliga gott ummæli.

- Um eg skal geva Adele stjørnur, har seks eru tað mesta, so fær Adele seks stjørnur. Hon var heilt fantastisk, sigur Rakul Eyvindsdóttir.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)