Fjølbroytt skrá og høgt støði

20-05-2016

Bólkanir spenna víða, men støði er er høgt, halda bæði fyriskipari og dómararnir, nú finalan í Sement-tónleikakappingini verður leygarkvøldið

Sjey bólkar hava vunnið sær pláss í Sement-finaluni, har høvuðsvinningurin eru tríggir dagar í Studio Bloch. Tað eru tríggir dómarar, ið gera av, hvør vinnur finaluna. Hesir eru Greta Svabo Bech, Eyðfinn Jensen og John Áki Egholm. Tey bæði fyrstnevndu vitjaðu í Góðan morgun Føroyar saman við Bartal Augustinussen, fyriskipara, til eitt prát um finaluna, støði og breiddina á tiltakinum.

Tey trý eru á einum máli um, at skráin er ógvuliga fjølbroytt tónlistarliga, men at støði hjá bólkunum sum heild er høgt.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)