- Tað var ikki altíð stuttligt at koma í skúla, tí eg visti at okkurt fór at henda, men ikki hvat, sigur Rannvá Álaberg, sum í átta ár mátti finna seg í at blíva happað av øllum flokkinum.

Serliga ringt var, tá Rakul hevði avgjørt, at eingin í flokkinum skuldi tosa við Rannvá. - Tøgnin var tað ringasta. Hvat finna tey nú uppá, hugsaði Rannvá.

Rakul er í dag ikki serliga errin av tí, hon gjørdi, og er glað fyri, at tær hava tosað um tíðina sum var, og hava fingið alt upp á pláss og í dag kunnu kalla seg bestu vinkonur. Rannvá Álaberg og Rakul Dalsgaard eru í útvarpsstovuni.

Í kvøld skulu tær hava fyrilestur um happing í ungdómshúsinum "Staðnum" í Vestmanna. Fyrilesturin verður í kvøld klokkan 20.