- Sirið skuldi havt tikið loyvið aftur beinanvegin

Landsstýriskvinnan í innlendismálum gjørdi ikki vart við seg, tá ið hon á einum tíðindaportali varnaðist, at eitt av hennara embætisfólkum hevði givið grønt ljós fyri havnaútbyggingini uttan hennara samtykki tann 30. juni.

Sirið Stenberg bíðaði heldur í nakrar dagar, men tá vendist ikki aftur, fekk hon at vita frá embætisfólkunum í aðalráðnum. Hesi løgfrøðiligu ráðini frá umsitingini eru púra bein, sigur Jógvan Páll Lassen, advokatur.

Landsstýriskvinnan segði við útvarpið í gjár, at hon kundi hugsað sær at kanna málið gjøllari, áðrenn hon gav Tórshavnar kommunu loyvi at byggja út.

Jógvan Páll Lassen ivast í, um hetta yvirhøvur hevði verið ein haldbar grundgeving fyri at taka loyvið aftur.