Býráðslimir skelkaðir av prísinum

Tað er keðiligt, óneyðugt og tað líkist ongum.

Hesi eru aftursvarini frá býráðslimunum í Tórshavnar kommunu, nú tað er komið fram, at Tórshavnar kommuna hevur keypt eitt fundarborð fyri 356.250 krónur.

Útvarpið hevur roynt at fingið fatur á øllum 13 býráðslimum. Tað eydnaðist at fáa fatur á allar býráðslimir uttan Heðin Mortensen, borgarstjóra.

Býráðslimirnir, bæði í samgongu og andstøðu, eru samdir um, at borðið, sum er keypt fyri 356.250 krónur til Móttøkuhúsið í Tróndargøtu, er alt ov dýrt.

Hoyr, hvat býráðslimirnir siga við útvarpið.

Rættleiðing: Kringvarpið hevur sæð fakturan. Prísurin er 356.250 krónur, og ikki 365.250, sum skrivað varð.