Poetry & Aerplanes hjá Teiti var givin út á heimsins størsta plátufelag, Universal, í 2003. Eini 100.000 eintøk vórðu seld av útgávuni, men á stóra plátufelagnum, sum legði nógv fyri í promoveringini av unga føroyinginum, var tað mett sum ein ósigur.

Tó stendur Poetry & Aeroplanes í nógvar mátar sterk í dag. Sangir hava verið brúktir í Hollywoodfilmum, til brúdleyp, nógvar endurútgávur eru á netinum, og hetta var eisini útgávan, sum gjørdi, at John Mayer beyð Teiti at spæla á arena konsertferðum.

Sjálvur er Teitur fegin um útgávuna í dag. Sangirnir ljóða framvegis væl, sigur hann, og tað er ein máti at definera, at útgávan er væleydnað.

Nú, 13 ár eftir útgávudagin, er aftur møguleiki at uppliva Poetry & Aeroplanes á palli.

Spælt verður á Store Vega í Keypmannahavn fríggjakvøldið, 30. september, og í Aarhus leygarkvøldið, 1. oktober.