Fleiri á liðnum kunnu koma rættiliga langt

31-10-2016

Tað sigur Bára Skaale Klakstein, hjálparvenjari hjá U17 fótbóltslandsliðnum hjá gentum

Genturnar eru í Írlandi og taka lut í EM undankappingini.

Higartil eru tveir dystir spældir.

Tann fyrri var ímóti vertstjóðini Írlandi og endaði 6-0 til Írland. Síðani hittu føroysku genturnar Ísland, og har endaði dysturin 4-0 til Íslendsku genturnar.

Bára Skaale Klakstein vísir á, at hóast úrslitini ikki hava verið tey bestu, so hava leikararnir víst sera gott spæl í báðum dystunum.

Genturnar eru væl fyri, og menningarmøguleikarnir eru stórir.

Síðsti dystur á ferðini er í kvøld ímóti Hvítarusslandi, og hann ætla føroysku genturnar at vinna.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)