Eg gjørdi nógvar feilir og lærdi eina rúgvu

02-12-2016

Tað sigur 19 ára gamla Maria Tórgarð, sum hevur leikstjórnað sín fyrsta stuttfilm, Frávik

Tað var á sumri 2015, at tað av álvara var farið undir at gera filmin.

Maria Tórgarð viðurkennir, at nógv fólk manglaðu í framleiðsluni, men tíbetur vóru góð fólk, sum kundu traðka til, tá brúka var fyri tí. Tí gekk tað kortini.

Serstakt er tað, at Maria Tórgarð í filminum arbeiddi sera tætt saman við pápa sínum, Hans Tórgarð, sjónleikara.

- Vit eru bæði listafólk, og tí arbeiða vit rættiliga væl saman. Hóast vit kunnu hava okkara stríð heima, so duga vit at leggja tað til viks, tá vit eru til arbeiðis, sigur hon.

Frávik telist millum filmarnar, sum eru valdir út til Geytan.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)