Kom til okkum jólaaftan

05-12-2016

Øll hava ikki somu umstøður at halda jól sum vit, ásanna møðgurnar, Liljan Witt og Anna Elita Witt Falkward. Hetta vilja tær gera nakað við

Jólaaftan er altíð nakað serstakt, og nógv fólk savnast heima hjá okkum, siga Liljan Witt og Anna Elita Witt Falkward.

Liljan Witt hevur sjálv roynt at verið einlig á jólum, og tí veit hon, at jólini kunnu vera so ymisk hjá fólki.

Møðgurnar vilja tí bjóða stakari mammu ella pápa, við ella uttan børnum, at halda jól. Jólini verða hildin á Eiði, har sonur Liljuna býr.

Um viðkomandi hevur brúkt fyri at verða koyrdur aftur og fram, er tað eingin trupulleiki siga tær báðar, sum eru spentar at vita, um onkur fer at taka av.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)