- Tíðindi, mentan og ítróttur
Góðan morgun Føroyar
Súsanna misti mannin fyri 3 árum síðan, men hóast tað hevur hurð hennara verði opin fyri teimum, ið so mong ár hava verið til morgunkaffi har.
Tað var Eyðun Johansen, ið helt at Súsanna Holm hevði uppiborðið jólakurvina. Hann skrivaði soleiðis til okkum:
Hey.
Susanna Holm í Vági er eitt upplagt evni til Jólakurvina. Gjøgnum nógv ár (20ár) hevur hon havt morgunkaffi fyri nøkrum pensjonistum (6-7) har tað verður tosa um alt, bara ikki politikk og religión. Hon er altíð klár at geva eina hjálpandi hond tá fólk spyrja hana um at baka eina kaku o.a
Fyri 3 árum síðan misti hon mannin í einari vanlukku á sjónum. Sterk sum hon er, var hurðin altíð opin fyri øllum sum vildi vísa samkenslu.
Mangan er tungt at sita einsamallur og tí hevur Susanna Holm uppborið at fáa eina Jólakurv frá tykkum í GMF.
Vit ynskja henni hjartaliga til lukku og alt tað besta.