Röddin

VIT

 

- Et tína kaku við góðari samvitsku og njót hana
 

Tak niður

- Et tína kaku við góðari samvitsku og njót hana
10.01.2017 - 09:22
Tað heldur starvsfólk í Kringvarpinum. Stovnurin bjóðar, eins og nógv onnur føroysk arbeiðspláss, kaku hvørja viku

Fólkaheilsuráðið sigur, at tað tað ikki fer at blanda seg upp í, um kaka verður bjóðað á arbeiðsplássunum, men ráðið mælir kortini til, at arbeiðsplássið hevur ein kostpolitikk, eins og tað hevur politikk á nógvum øðrum økjum.

Í Onglandi verður rópað varskó. Royal College of Surgeons dental faculty vísir á, at kakumentanin á arbeiðsplássum hevur vundið upp á seg, og er blivin ein trupulleiki.

Kakumentanin elvir til ovurfita og vánaliga tannheilsu.

Heitt verður á arbeiðsgevarar at bjóða starvsfólkum frukt og nøtur, ístaðin fyri kakur og annað góðgæti.

- Eitt glimrandi hugskot, sigur Magni Mohr, formaður í Fólkaheilsuráðnum.